తెలుగు 
క్రీడల్లో తెలంగాణను దేశానికి రోల్ మాడల్గా నిలపాలన్న సంకల్పంతో క్రీడా విధానం తెచ్చామని ముఖ్యమంత్రి శ్రీ రేవంత్ రెడ్డి గారు చెప్పారు. ఈ విధానంలో రాజకీయ జోక్యం తగ్గించాలన్న ఉద్దేశంతోనే పబ్లిక్ – ప్రైవేటు భాగస్వామ్యంతో క్రీడాపాలసీని రూపొందించామని తెలిపారు. క్రీడా రంగాన్ని ప్రోత్సహిస్తూ అత్యుత్తమ ఫలితాలను అందిస్తున్న కార్పొరేట్ సంస్థలు, ఆ రంగంలో విశేష అనుభవం ఉన్న వారిని ఆహ్వానించే ఒక బోర్డును ఏర్పాటు చేసినట్టు చెప్పారు.
హెచ్ఐసీసీలో నిర్వహించిన మొదటి ఎడిషన్ తెలంగాణ క్రీడా సదస్సు ( 1st Edition Telangana Sports Conclave – 2025) లో ముఖ్యమంత్రి గారు పాల్గొని ప్రసంగించారు. ఈ సందర్భంగా తెలంగాణ క్రీడా విధానాన్ని (Telangana Sports Policy) ప్రకటించారు. దేశంలో క్రీడల అభివృద్ధికి కృషి చేస్తున్న ప్రఖ్యాత సంస్థల ప్రతినిధులు, ప్రముఖ క్రీడాకారులు, క్రీడాభిమానులు ఈ కాంక్లెవ్ లో పెద్దఎత్తున పాల్గొన్నారు.
ఈ సందర్భంగా ముఖ్యమంత్రి గారు మాట్లాడుతూ.. “రానున్న రోజుల్లో మంచి క్రీడాకారులను తయారు చేయాలన్న లక్ష్యంతో ఈ పాలసీ తెచ్చాం. ఒక రోజు సదస్సు నిర్వహించి వదిలేయడానికి కాదు. వచ్చే రోజుల్లో ఈ దేశాన్ని ముందుకు నడిపించడానికి, ఒలింపిక్స్లో స్వర్ణం సాధించడమే లక్ష్యంగా పనిచేయాలి.
ఈ వేదికలో పాల్గొన్న క్రీడాకారులంతా తెలంగాణ క్రీడా పాలసీలో భాగస్వాములే. క్రీడల్లో తెలంగాణను దేశానికి రోల్ మాడల్గా నిలపాలి. ఇది కొత్త ఆరంభం. ఇందుకు అందరికీ ఆహ్వానం పలుకుతున్నాం. క్రీడాభివృద్ధికి ఎలాంటి మద్దతు కావాలన్నా అందించడానికి ప్రభుత్వం సిద్ధంగా ఉన్నాం. అందరం కలిసి ముందుకు సాగుదాం. తెలంగాణ పేరును ప్రపంచం ముందు నిలపడంలో మీ అందరి మద్దతు ఉండాలి.
నగరాలు, పట్టణాల్లో క్రీడామైదానాలు లేక, క్రీడలను ప్రోత్సహించే పరిస్థితులు లేని కారణంగా కాలేజీలు, విద్యా సంస్థల్లో యువత పెడదారులు పడుతున్నారు. ప్రభుత్వ పరంగా సరైన విధానాలు లేకపోవడం, క్రీడలను ప్రోత్సహించని కారణంగానే మాదక ద్రవ్యాలు వేగంగా విస్తరించే ప్రమాదం ఏర్పడుతోంది. మాదక ద్రవ్యాల వినియోగమే కాదు, అవి తెలంగాణలో అడుగు పెట్టాలంటే వణుకు పుట్టాలి. అందుకోసమే ఈగల్ వ్యవస్థను ఏర్పాటు చేశాం.
1956 ఒలింపిక్స్ ఫుట్బాల్ క్రీడలో 9 మంది క్రీడాకారులు హైదరాబాద్ నుంచి పాల్గొన్న చరిత్ర ఈ ప్రాంతానికి ఉంది. అక్కడి నుంచి ప్రారంభిస్తే ఆ తర్వాత ఎందరో క్రీడాకారులు ఇక్కడి నుంచి రాణించారు. అలా రాణించిన వారికి ప్రభుత్వం ఇంటి స్థలాలు, నగదు ప్రోత్సహకాలు, ఉద్యోగాలు కల్పించడం వంటి అనేక రకాలుగా ప్రభుత్వం ప్రోత్సహిస్తోంది. చదువులోనే కాదు క్రీడల్లో రాణిస్తే క్రీడాకారులను ప్రభుత్వం ప్రోత్సహిస్తుంది. గడిచిన పది పదిహేను సంవత్సరాల కాలంలో క్రీడలకు ప్రోత్సహం లేక మైదానాలు ఫంక్షన్ హాళ్లుగా మారాయి.
ఇటీవలి ఒలింపిక్స్లో భారత్ 71 వ స్థానంలో ఉందంటే అందరూ ఆలోచించాలి. చిన్న దేశమైన దక్షిణ కొరియా 32 స్వర్ణ పతకాలు సాధిస్తే అందులో ఒక అమ్మాయి ఏకంగా 3 స్వర్ణాలు సాధించారు. 140 కోట్ల జనాభా ఉన్న భారత దేశానికి ఒక్క స్వర్ణం కూడా రాకపోవడం విచారకరం. 2036 ఒలింపిక్స్ నిర్వహించాలని దేశం ముందుకు వెళుతున్న నేపథ్యంలో కనీసం రెండు క్రీడలనైనా తెలంగాణలో నిర్వహించడానికి అవకాశం ఇవ్వాలని కోరాం.
దేశం ఒక బలమైన ఆర్థిక వ్యవస్థగా ఎదుగుతున్న దశలో క్రీడల్లో కూడా బలంగా నిలవాలి. అందుకే తెలంగాణ రైజింగ్ 2047 విజన్ డాక్యుమెంట్లో క్రీడాభివృద్ధి లక్ష్యాల కోసం ప్రత్యేక చాప్టర్ పెట్టాం. ఆ లక్ష్య సాధన దిశగానే క్రీడల్లో మంచి ఫలితాలు సాధిస్తున్న వారందరినీ ఈ వేదికపైకి ఆహ్వానించాం.
తెలంగాణలో యంగ్ ఇండియా స్పోర్ట్స్ యూనివర్సిటీ, స్పోర్ట్స్ అకాడమీలను ప్రారంభిస్తున్నాం. ఇక్కడ శిక్షణ ఇచ్చే కోచ్ల సంఖ్య తక్కువగా ఉంది. అందుకే అత్యుత్తమ శిక్షణ కోసం దక్షిణ కొరియా యూనివర్సిటీతో ఒప్పందం చేసుకున్నాం” అని ముఖ్యమంత్రి గారు వివరించారు.
ఈ కాంక్లేవ్లో ముఖ్యమంత్రి గారి సమక్షంలో తెలంగాణ క్రీడా ప్రాధికార సంస్థ క్రీడాభివృద్ధికి సంబంధించి పలు సంస్థలతో ఒప్పందాలు కుదుర్చుకుంది. వివిధ క్రీడల్లో ప్రతిభ కనబరిచిన క్రీడాకారులకు ఈ సందర్భంగా ప్రోత్సాహకంగా ప్రభుత్వం నగదు బహుమతులను అందజేసింది.
కొరియాలో జరిగిన ఏషియన్ అథ్లెటిక్స్ చాంపియన్ షిప్ 2025 లో స్వర్ణ పతకం సాధించిన అథ్లెట్ అగసర నందినికి 5 లక్షలు, బెల్జియం లో జరిగిన 14 వ అంతర్జాతీయ జిమ్నోవా కప్ 2024 లో కాంస్య పతకం సాధించిన నిశికా అగర్వాల్కు 3 లక్షలు, 2024 జర్మనీలో జరిగిన ప్రపంచ (మూగ) షూటింగ్ చాంపియన్ షిప్లో 2 స్వర్ణాలు సాధించిన షూటర్ ధనుష్ శ్రీకాంత్కు 10 లక్షలు, ఈజిప్ట్లో వచ్చే సెప్టెంబర్ లో జరగబోయే గోల్ బాల్ అథ్లెటిక్స్లో పాల్గొంటున్న పవన్ కల్యాణ్, పి. సాయి తేజ, కోచ్ శివకుమార్లకు 4.8 లక్షల రూపాయలను క్రీడా ప్రోత్సహాకం కింద అందజేశారు.
క్రీడలను ప్రోత్సహించడానికి గగన్ నారంగ్ (షూటింగ్), అభినవ్ బింద్రా (స్పోర్ట్స్ సైన్స్), పుల్లెల గోపీచంద్ (బాడ్మింటన్), ఫీపా, ఒలంపిక్ వ్యాల్యూస్ ఎడ్యుకేషన్, గన్ ఫర్ గ్లోరీ, స్పోర్ట్స్ ప్రిక్స్, ఆస్పైర్, టెన్విక్ లాంటి సంస్థలతో ఒప్పందాలు కుదిరాయి.
ఈ కాంక్లేవ్ మంత్రి వాకిటి శ్రీహరి గారు, ప్రభుత్వ సలహాదారు (క్రీడా వ్యవహారాలు) ఏపీ జితేందర్ రెడ్డి గారు, తెలంగాణ క్రీడా ప్రాధికార సంస్థ చైర్మన్ శివసేనారెడ్డి గారు, ప్రభుత్వ ప్రత్యేక ప్రధాన కార్యదర్శి జయేష్ రంజన్ గారితో పాటు క్రీడారంగానికి చెందిన ప్రముఖులు హాజరయ్యారు.
Hon’ble Chief Minister Shri A. Revanth Reddy stated that the Telangana Sports Policy has been introduced with the aim of making the state a national role model in the field of sports. He emphasized that the policy is designed to minimize political interference and ensure transparent governance. A dedicated board has been constituted to involve corporate organizations and experts with proven experience and achievements in sports development.
Unveiling the Telangana Sports Policy at the first-ever Telangana Sports Conclave 2025 held at HICC, Hyderabad, the Chief Minister reiterated that this is not a symbolic, one-day event but a long-term, structured initiative to nurture Olympic-level athletes from Telangana. He stressed the importance of creating infrastructure and opportunities, especially in urban areas and educational institutions, to steer youth away from substance abuse. To address the threat of drug exposure, the state government has introduced the EAGLE surveillance system.
Recalling the state’s sporting legacy, the Chief Minister noted that Hyderabad once produced nine footballers who represented India in the 1956 Olympics. Expressing concern over India’s 71st position in recent Olympic rankings, he said Telangana has formally requested to host two sports disciplines during the 2036 Olympics. The state’s long-term roadmap, Telangana Rising 2047, lays out concrete goals for sports development, including the establishment of the Young India Sports University and new academies.
To overcome the shortage of skilled coaches, Telangana has entered into an MoU with a leading South Korean university for advanced training and coaching support. The government also signed strategic partnerships with renowned sports personalities and institutions such as Gagan Narang (Shooting), Abhinav Bindra Foundation (Sports Science), Pullela Gopichand (Badminton), FEPA, Olympic Values Education, Gun for Glory, and Tenvic, among others.
Outstanding athletes were recognized and awarded for their achievements: Agasara Nandini received ₹5 lakh for winning gold at the 2025 Asian Athletics Championship, Nishika Agarwal received ₹3 lakh for her bronze at the 14th International Gymnova Cup, shooter Dhanush Srikanth was awarded ₹10 lakh for winning two golds at the 2024 World Shooting Championship, and the Goalball team — Pawan Kalyan, P. Sai Teja, and Coach Sivakumar — received ₹4.8 lakh.
The conclave was attended by Minister Vakati Srihari, Government Advisor (Sports Affairs) A.P. Jithender Reddy, Telangana Sports Authority Chairman Shivsena Reddy, Special Chief Secretary Jayesh Ranjan, and other dignitaries and stakeholders from the sports community.
#TelanganaSportsConclave #TelanganaSportsPolicy #TelanganaRising2047
